Европа ќе престане да ги спасува презадолжените?

Добивај вести на Viber

Мерките за штедење, кои до неодамна се смета за најдобар "лек" за европската економија, брзо ја губат поддршка. Притоа дополнително се зголемуваат отстапките кои европските политичари ги прават кон  државите со проблеми, во форма на дополнително време за исплата на спасувачките заеми и роковите за намалување на дефицитот, соопшти„ CNBC“. Последната земја која направи ваква зделка со меќународните кредитори е Грција, а во меѓувреме и Шпанија бара повеќе време од Европската унија (ЕУ) за намалување на буџетскиот дефицит во согласност со европските правила. Како што пренесува Ројтерс повикувајќи се на високи владини извори, Мадрид ќе ја зголеми својата рамка  за дефицитот во 2013 година до 6 проценти и сега води преговори со Европската комисија (ЕК) за дополнително време за намалувањето на дефицитот под 3%. Минатата недела министрите за финансии на земјите од еврозоната им дадоа на Ирска и Португалија уште 7 години за исплата на кредитите. Министерот за економија на Шпанија, Луис де Гиндос изјави дека земјата мора да го намали буџетскиот дефицит и да врати изгубената довербата што загубија, но истовремено фискалната корекција треба да биде компатибилна нови мерки кои ќе поттикнуваат растот на краток рок. „Политиката во еврозоната во однос на земјите со прекумерен дефицит од 2013 година не е оној од 2011 година, ниту од 2012 година. На најзадолжените им се дава дополнително време да се поправат, крајните рокови за исплата на спасувачките заеми се продолжуваат , а најважно е дека кризата се прошири од периферијата кон јадрото и ги соочи големите економии со сериозни предизвици ", вели Ник Спиро од „Spiro Sovereign Strategy“. Аналитичарите коментираат дека и во Германија расположението почнува да се менува. Пеер Штајнбрук, поранешен министер за финансии на земјата ја почна предизборната кампања со ветување дека ќе ја промени политиката на буџетски ограничувања наметнати во Европа наметната од неговиот главен противник, сегашниот канцелар Ангела Меркел.