Европа на штрајк

Добивај вести на Viber

Низа индивидуални штрајкови во неколку европски земји поттикнаа мерките за штедење. Денеска се  одржува координиран штрајк во неколку европски земји на кој ќе учествуваат милиони луѓе. Мотивирани од невработеноста која достигна 25 милиони невработени, работничките синдикати од европските земји решија да се обединат на единствен штрајк кој ќе ги обедини речиси сите опозициони сили, невработените и разни движења со цел да ги спречат новите најавени мерки за штедење од страна на Брисел кои треба да почнат да се спроведуваат од крајот на овој месец. Вакво обединување обединување к досега не е видено на тлото на Европа. Дури и традиционалните работнички организации кои ретко ги пуштаат своите членови на улиците, овој пат дадоа согласност за штрајкот. Грција, Шпанија, Португалија и Италија се земјите каде се очекува најголем одзив. А ќе се штрајкува против намалувањето на пензиите, платите, зголемувањето на даноците и строгите работнички реформи. Во вид на солидарност со луѓето најпогодени од мерките за штедење, на улица ќе излезат и штрајкувачи од Франција, Британија, Германија и Швајцарија. Противниците на мерките за штедење со овие протести сакаат да испратат порака дека мерките не само што не помагаат во ситуацијата, туку и ја влошуваат состојбата. Но, никој не може да претпостави какво влијание ќе има овој штрајк.