Европол затвори над 4.000 сајтови за продажба на фалсификувана стока

Добивај вести на Viber

Над 4 500 интернет сајтови, специјализирани за трговија со имитации на познати брендови, биле затворени во рамките на специјализирана операција на Европол. 

Кампањата се нарекува "Do not F *** (AKE) Up" / Не фалсификувајте и има за цел да ги спречи овие платформи да продаваат фалсификати на интернет.

Брзината и анонимноста на продажба на интернет се користат се повеќе од овие сајтови, се наведува во соопштението на Европол. Во него се упатува и предупредување дека многу од фалсификуваните стоки можат да претставуваат ризик и за здравјето и за безбедноста на корисниците. Во оваа операција учествуваат полициите на европските земји, САД, Латинска Америка и Хонгконг.

Затворени се сајтови за сите видови стока. Во нив се продавале фалсификати на електроника, спортски, луксузни стоки, фармацевтски производи, козметика. Од канцеларијата на Европол не прецизираат колку време траела операцијата, но се изразува задоволство за зголемувањето на бројот на затворените интернет сајтови во однос на минатата година.

Во рамките на операцијата холандската полиција за борба против измами соопшти дека уапсила 12 лица во последните две недели. Повеќе од 3 500 артикли - облека, чевли, парфеми и сл. во вредност од десетици илјади евра, се запленети во Холандија.