ЕВРОПСКИТЕ МИГРАНТИ НАЈПОСАКУВАНИ: Гастарбајтерите ја движат економијата, олеснети квалификациите за работа

Добивај вести на Viber

Германија чезнее за европски мигранти: Гастербајтери кои ја движат германската економија, веќе се подготвени за олеснување за странските работници.

Економскиот просперитет на Германија се зголемил во просек од 0,2 проценти годишно во периодот од 2011 до 2016 година, со пристигнувањето на нови работници во Германија од другите земји-членки на ЕУ кои најмногу придонеле за овој развој, пишува Deutsche Welle. Германските експерти препорачуваат олеснување на германските административни процедури за признавање на квалификациите на работниците кои доаѓаат во Германија.

Германскиот Институт за економски истражувања (DIW) во својата неодамнешна студија проценува дека најголемиoт економски раст е забележан во 2015 година, кога голем дел работници од другите земји на ЕУ дојдоа во Германија. Во 2011 година, бројот на работници од другите 28-земји членки на ЕУ кои се преселиле во Германија достигна просек од 720.000 годишно или вкупно над 5,1 милиони луѓе.

Од 2011 година граѓаните на ЕУ имаат можност да изберат каде ќе живеат и работат во Унијата. Граѓаните на новопримените земји-членки на ЕУ, како Бугарија, Романија и Хрватска ја добија оваа можност за своите граѓани малку подоцна, односно во 2014 и 2015 година. Главната причина за ваквите миграциони движења е лошата економска состојба во земјите од кои доаѓаат работниците. Главната цел на луѓето кои доаѓаат во Германија од другите земји на ЕУ е да најдат работа, велат истражувањата на DIW.

,,Најголемиот дел од овие ,,европски мигранти"се млади и добро квалификувани луѓе. Имајќи го предвид фактот дека германското општество старее и дека на германскиот пазар има растечка потреба за квалификувана работна сила, Германија треба да биде повеќе заинтересирана за ,,увоз"на нова работна сила", открива студијата.

Авторот на студијата, Мариус Клеменс, вели дека Германија треба да вложи поголеми напори за да станепоатрактивна за работниците од другите европски земји, бидејќи во меѓувреме другите земји од еврозоната забележаа подобри економски показатели.

Важно за работниците е да добијат повеќе можности за работа што одговара на нивните квалификации. „За таа цел се потребни прагматични чекори за да се олесни препознавањето на нивните квалификаци“, изјавил Клеменс, пренесе српски курир.

Kurir.rs/Tanjug-