Евростат: Невработеноста во еврозоната повторно рекордна!

Добивај вести на Viber

Невработеноста во еврозоната достигна ново рекордно ниво од 11,7% во октомври 2012 година, што е пораст за 0,1 процентни поени, во споредба со претходниот месец, покажаа податоците на Евростат. Невработеноста во 27-те земји на ЕУ е 10.7% во октомври, споредено со 10.6% во септември. Како во еврозоната така и во ЕУ, бројот на невработени се зголемува значително, во споредба со октомври 2011 година, кога била 10.4% во еврозоната  и 9.9% во ЕУ. Вкупно 25.913 милиони мажи и жени во ЕУ, од кои 18.703 милиони во еврозоната, биле невработени во октомври 2012 година Во споредба со септември 2012 година, бројот на невработените се зголеми за 204 илјади во ЕУ или 173 илјади во еврозоната. Меѓу земјите-членки на ЕУ најниска невработеност во октомври е забележан во Австрија (4,3%), Луксембург (5.1%), Германија (5,4%) и Холандија (5.5%), додека со највисока стапка на невработеност се Шпанија (26.2%) и Грција (25.4% во август 2012 ). Во споредба со претходната година, невработеноста расте во 16 земји на ЕУ, се намалува во девет и останува без промена во Австрија и Словенија. Најголем пад на невработеноста на годишно ниво е забележан во Естонија (од 11,5% до 9.6% помеѓу септември 2011 и септември 2012 година), Литванија (од 14,2% на 12.4%) и Латвија (од 15.7% на 14.2% меѓу третиот квартал на 2011 и 2012 година). Невработеноста се зголемила најмногу во Грција (од 18.4% на 25.4% во август 2011 и август 2012 г), Кипар (од 9,2% на 12.9%), Шпанија (од 22,7% на 26.2%) и Португалија (од 13.7 % на 16.3%). Во октомври 2012 година, вкупно 5.678 милиони лица под 25-годишна возраст биле невработени во ЕУ, од кои 3.609 милиони во еврозоната. Во споредба со октомври 2011 година, младинската невработеност се зголемува за 279 000 во ЕУ и со 350 000 во еврозоната. Во октомври 2011 година, најниски нивоа на младинска невработеност во октомври се забележува во Германија (8.1%), Австрија (8,5%) и Холандија (9.8%), а највисоки во Грција (57.0% во август 2012 година) и Шпанија (55.9%).