Еврото расте, швајцарскиот франк паѓа
Објавено во: Економија 27 Јули, 2017
Еврото месецов забележа раст во однос на јапонскиот јен за 6% и се стабилизираше на 1,1642 долари.
Вредноста на швајцарскиот франк падна на едногодишниот минимум во однос на еврото, откако некои инвеститори почнаа со продажба на швајцарската валута.
Франкот падна за 0,6% на 1,1154 франци за евро, што е најниско ниво од февруари 2016 година. Во однос на доларот, падот на франкот изнесува 0,7%, на 0,958 франци за еден долар.
Доларот се намали во однос на другите позначајни валути, па вчера се најде на најниско ниво, по објавата на соопштението за монетарната политика од јулкската седница на Управата за федерални резерви (Фед). Во него се вели дека „за релативно брзо време“ ќе преземат мерки за урамнотежување на состојбата.
Индексот на доларот кој ги следи промените во однос на шест други валути во светот, бележи пад за 0,35% на 93,681 поени. Тоа е малку повеќе од 13-месечниот минимум забележан завчера.
Еврото се стабилизираше на 1,1642 долари.