Фабриката за масло „Дијамант“ ќе го сопре производството?

Добивај вести на Viber

Војводинската фабрика која го произведува маслото за јадење Дијамант, а која е во сопственост на хрватски Агрокор, можно е да престане со својата работа поради блокадите во Зрењанин. Како што најавија од фабриката, постои можност да не ги откупуваат маслодајните растенија, со што тешко ќе биде погоден извозот на масло за јадење од Србија. Фабриката Дијамант во јужниот дел на Банат е блокирана неколку дена од незадоволните земјоделци поради ниските цени на маслодајните растенија. Претседателот на локалната бизнис заедница за индустриски растенија, Олга Чуривич, изјави дека ако Дијамант се повлече од откупот на сончоглед, тоа ќе доведе до понатамошно намалување на откупната цена на сончогледот. Фармерите бараат да се плати 40 динари или околу 34 евро центи по килограм, но откупувачите нудат околу 26 динари или 22 евро центи по килограм.