Фактор дознава: Ќе се олеснува плаќањето и кај брзите кредити
Објавено во: Економија 23 Март, 2020
На состанок во Министерството за финансии денеска финансиските друштва во земјава соопштиле дека и тие ќе даваат олеснувања за клиенти кои имаат проблеми да ги платат кредитните рати.
Конечната верзија на тоа кои ќе бидат измените, ќе бидат доставени до Министерството во текот на утрешниот ден. Според информации на Фактор, ќе има олеснувања во смисла на репрограмирање на кредитите со поповолни услови, но не и замрзнувања на плаќањата.
Финансиските друштва ги одобруваат таканаречените брзи кредити, но тие не се финансираат со прибирање депозити како што тоа го прават банките, туку имаат свои извори на финансирање. Во моментов и тоа им било ограничено.
А.Т.