ФАКТОР НА ДЕНОТ: Koалицијата размрдана, дел од политичарите дадоа поддршка на Заев

РАЗМРДАНА КОАЛИЦИЈАТА

Има ли притисок во владината коалиција по блокадата од Бугарија во евроинтеграциите и по интервјуто на премиерот Зоран Заев за БГНЕС? Либерлано димекратската партија бара по Извршниот одбор на партијата вчера како заклучко изглааса барање за средба на коалиционите партнери за да се разговара за ЕУ перспективите, особено во контекст на ветото од Бугарија и интервјуто на премиерот за БГНЕС. 

Оттаму велат дека за ЛДП членството на Македонија во ЕУ останува врвен национален приоритет, врз основа на критериумите од Копенхаген, притоа почитувајќи ја реалноста за македонскиот идентитет и национална посебност, втемелени во двата Илиндени од 1903 и 1944, како и референдумот за незавиност од 1991 година.

И ДЕНЕС НАД 1.000 ЗАРАЗЕНИ

Министерството за здравство информира дека во последните 24 часа се направени 3084 тестирања, а регистрирани се 1093 нови случаи на ковид-19 во: Скопје-431, Куманово-57,  Дебар-14, Штип-41, Прилеп-60, Тетово-41, Струга-29, Велес-55, Битола-37, Охрид-37, Кавадарци-44, Гостивар-94, Гевгелија-14, Струмица-18, Крива Паланка-7, Радовиш-11, Крушево-8, Кочани-13, Пробиштип-2, Македонски Брод -2, Валандово-3, Виница-3, Делчево-7, Кратово-1, Свети Николе-20, Кичево-15, Ресен-10, Неготино-19. 

Денеска Институтот за јавно здравје регистрира 819 оздравени пациенти од: Скопје-256, Куманово-57, Дебар-6, Штип-26, Прилеп-49, Тетово-50, Струга-13, Велес-42, Битола-42, Охрид-27, Кавадарци-33, Гостивар-52, Гевгелија-6,  Струмица-29, Крива Паланка-5, Радовиш-9, Крушево-2, Кочани-25, Пробиштип-2, Демир Хисар-3, Берово-9, Валандово-6, Виница-11, Делчево-6, Кратово-8, Свети Николе-17, Кичево-13, Ресен-2, Неготино-13.

ЗАЕВ ПОСОЧИ КОЈ Е ОРГАНИЗАТОР НА „КРВАВИОТ ЧЕТВРТОК“

Миле Јанaкиески, Спиро Ристовски Трајко Вељановски и другите кои се тука се изманипулирани од главниот организатор за настаните од 27 април, рече денеска во Кривичниот суд премиерот Зоран Заев. Тој беше повикан како сведок на рочиштето и ги сподели неговите сознанија за настаните во Собранието тој ден. Заев вели дека е жртва во тој настан. 

„Не мислам дека се осмислувачи и организатори на тој настан. Мислам дека се изманипулирани од Никола Груевски. Ова го кажувам, затоа што бев секој ден во Собранието и знам што се случувало и не верувам дека е коректно вакво тешко дело, рече Заев.

ФИЛИПЧЕ ВЕЛИ ПИКОТ ПОМИНА

Министерот за здравство Венко Филипче на денешната прес конференција ги презентираше најновите податоци за состојбата со коронавирусот и посочи дека евидентиран е порастот на смртни случаи предизвикани од коронавирус, како на глобално ниво, така и во Македонија.

-Глобално, расте бројот на смртни случаи, односно тој број изнесува 60.000 починати на неделно ниво. Сите земји во светот се соочуваат со истиот предизвик, пред сè со менаџирањето на болничките капацитети и недостаток на медицински персонал. Во регионот состојбата е слична, односно во Србија се бележат рекордни бројки, по 50 смртни дневно, а иста е ситуацијата и во Хрватска каде има 50 смртни случаи, во Словенија која е земја слична по број на население како Македонија има 1.767 нови случаи секој ден, а смртни случаи бележат по 46 дневно. И бугарскиот здравствен систем е совладан од наглиот пораст на пациенти. 

ЧИТАЈТЕ УШТЕ

Утринава огромен број граѓани се обидувале да стигнат на ред да бидат прегледани во ковид-центар во ГОБ „8 Септември“, а по социјалните мрежи веќе има видеа од турканиците меѓу луѓето. Некои од нив, исто така на социјалните мрежи, пишуваат дека чекале и по неколку часа за да стигнат на ред.

Само 290.134.901 денари се реализирале за автопатот Кичево - Охрид од почетокот на годината па до крајот на јуни, според полугодишниот извештај за 2020 што го објави Јавното претпријатие „Државни патишта“. Ова се средства потрошени  од кредитот од кинеската Ексим Банка, додека од јавното претпријатие тврдат дека дополнително го поддржуваат проектот и со свои финансии.

„Карпош“ успеа да одржи приходи од продажба на ниво од лани, да скрати трошоци во работењето, на намали макар и минимално финансиски расходи и да ја зголеми за речиси 8 пати добивката која овој период лани беше малку над позитивна нула. Оперативната добивка е 5 отсто од приходите од продажба што во градежништвото е солиден резултат

Дигиталната трансформација е неизбежна за компаниите кои ги менуваат бизнис моделите за да се адаптираат на новата реалност на пазарот. Се менува стратегијата, процесите, но се менува и корисничкото искуство. 

Над 130 милиони евра во кредити пласираше ПроКредит Банка заклучно со крајот на октомври кај бизнис клиентите за финансирање на нивните инвестиции и обртен капитал, вели Емилија Спировска,член на Управниот одбор на Банката во интервју за Фактор.