ФАКТОР НА ДЕНОТ: Мицкоски предложи Гаши да биде премиер, но тој одби

Добивај вести на Viber

МИЦКОСКИ ПРЕДЛОЖИ, А ГАШИ ОДБИ ДА БИДЕ МАНДАТАР

Алтернатива го одби предлогот на ВМРО-ДПМНЕ. Станува збор за предлогот на лидерот на ВМРО-ДПМНЕ Христијан Мицкоски, претседателот на Алтернатива Африм Гаши да биде мандатар за состав на нова Влада, наместо новиот лидер на СДСМ Димитар Ковачевски. 

Овој предлог за Алтернатива е неприфатлив од причина како што велат за МИА, партијата е дел од еден друг процес.

ШЕКЕРИНСКА НЕМА ДА БИДЕ ДЕЛ ОД НОВАТА ВЛАДА

Министерката за одбрана Радмила Шекеринска денеска изјави дека нема да биде дел од новата Влада. Таа потсети дека пред осум месеци се повлекла од партиската функција заменик-претседател на СДСМ оти не се согласувала со дел од политиките, кои според неа, придонеле за пораз на локалните избори и не очекува работите да се сменат.

„За жал, мојот впечаток е дека од тие лекции не ги научивме и дека некои од пораките на јавноста не ги чувме или не ги разбравме, и затоа мислам дека единствената чесна и принципиелна одлука е да не учествувам во следната Влада“, нагласи Шекеринска.

ДЕНЕС ИМА 327 ЗАРАЗЕНИ СО КОВИД

Министерството за здравство информира, согласно податоците од Институтот за јавно здравје дека во последните 24 часа:

Направени се 2.740 тестирања, а регистрирани се 327 нови случаи на КОВИД-19:

АРСОВСКА ВЕЛИ ДЕКА НЕ Е ОБВРЗАНА ДА ПОСТАВИ ДИРЕКТОРИ ОД АЛИЈАНСА ЗА АЛБАНЦИТЕ

Градоначалничката на Скопје, Данела Арсовска, на денешниот брифинг со новинарите рече дека нема договор со Алијансата за Албанците и Алтернативата за именување директори во јавните претпријатија. Арсовска вели дека на овие функции ќе бидат поставени квалитетни луѓе без разлика од која партија доаѓаат.

БОШКОСКИ БАРА ОСЛОБОДУВАЊЕ НА ГОРАН СТОЈКОВ

Партијата на екс министерот за внатрешни работи, Љубе Бошкоски бара ослободување на  Горан Стојков. 

ЧИТАЈТЕ УШТЕ

Сите македонски компании кои извезуваат во Германија, но и сите наши фирми кои се добавувачи за германските инвеститори што работат овде, од стартот на идната година ќе мора да исполнуваат строги услови, а тие се да работат еколошки, и целосно да ги почитуваат човековите и работничките права, но и други строги стандарди, а во спротивно, ќе ги изгубат нарачките и бизнисот.

Агенцијата за цивилно воздухопловство во иднина ќе наплаќа до едно евро од патник кој ќе полета од македонските аеродроми, според новата драфт-верзија на законот за воздухопловство кој се предлага и за кој допрва треба да се дебатира.

Ќе продолжи ли растот на платите со темпо со кое расте и продуктивноста на трудот на вработените во компаниите во технолошко индустриските развојни зони? Анализа која за прв пат по подолго време обработува клучни параметри за работата на овие фирми во последните десет години во земјава, покажа дека од 2010 наваму има континуиран раст на продуктивноста на трудот и тоа со просечна годишна стапка на пораст од дури 55 отсто.

Во повеќе земји во светот имунизацијата на децата против ковид е во полн ек. Засега најмладите се вакцинираат само со вакцината произведена од компанијата Фајзер, освен во Кина, каде што се одвива вакцинацијата и на децата од 3 години нагоре со вакцините од нивните фармацевтски компании. 

Владата одобри 15 милиони евра да се префрлат на сметката на АД Електрани на Северна Македонија за набавка на мазут за потребите на ТЕЦ Неготино. Ваквата одлука била донесена на владина седница на 14 декември, а сега е објавена детално во Службен весник.

Трговците ги почитуваат владините одлуки за замрзнување на цените на основните производи, но и за забраната за употреба на пластичните кеси. Ова е генералниот заклучок на директорката на Државниопт пазарен инспекторат Анета Симеска-Димоска, откако од први декември Владата одлучи да замрзне цени на неколку вида на основни продукти, а пред неколку дена додаде и дополнителна листа производи чии цени трговците не смеат да ги зголемуваат.

Пандемијата не е завршена, а во вакви услови многу луѓе одлучуваат да учат јазици по пат на интернет, преку бројни видеа објавени на јутјуб каналот, каде детално е објаснета граматиката, вокабуларот, но и како се водат дијалози на странски јазици.