ФАКТОР НА ДЕНОТ: Нема продолжување на рокот на старите пасоши
Објавено во: Македонија 28 Февруари, 2024
НЕМА ДА СЕ ПРОДОЛЖИ РОКОТ НА СТАРИТЕ ПАСОШИ
Во Собранието не беа изгласани измените на Законот за патни исправи, кои беа предложени од пратениците на ВМРО-ДПМНЕ, а со кои се бараше продолжување на важноста на старите пасоши со Република Македонија до крајот на 2024 година. Против измените на законот гласаа 54 пратеници, додека 46 беа “за“.
Пратеникот од ВМРО-ДПМНЕ Антонио Милошоски на својот фејсбук профил напиша дека пратениците на СДСМ, ДУИ и НСДП гласаа против законот за продолжување на важноста на пасошите и со тоа, како што вели, оставија на цедило над 600 илјади граѓани, но затоа им се заблагодари на дел од пратениците од власта, кои, сепак гласале „за“ и со тоа покажале дека се грижат за потребите на граѓаните.ГРАФА ЗА НАЦИОНАЛНОСТ НЕМА ДА ИМА ВО ИЗВОДИТЕ
Графа за националност во изводите нема да има. Се укинува графата „националност“ во Законот за матична евиденција. Уставен денеска одлучи да ја укине законската обврска за изјаснување за националност во матичните книги, односно во изводите на родени, венчани и умрени.
Во декември, со времена мерка го укина издавањето изводи со графа „националност“. За Судот, со таа обврска граѓаните се лишени од правото и да не се изјаснат за својата национална припадност.ЌЕ ИМА КАЗНИ ЗА НЕСООДВЕТНО ЗГОЛЕМУВАЊЕ НА ЦЕНИТЕ
Пазарните и трудовите инспектори од задутре ќе бидат на терен и за секое зголемување на цени над нормалната пазарна логика соодветно ќе реагираме, најави вицепремиерот за економски прашања Фатмир Битиќи. Порача дека секое неетичко однесување на кој било трговец ќе се казни на најсериозен начин, и повика да се изгласа законот за нефер трговски практики, а ако има потреба да реагират и Комисијата за заштита на конкурентноста и Организацијата за заштита на потрошувачите.
ЧИТАЈТЕ УШТЕ
По тригодишен пост доаѓа ли време за обилна дивиденда за акционерите во „Стопанска банка Скопје“?