ФАКТОР НА ДЕНОТ: Политичарите во „лов“ на гласачи, некои се против уставни измени, други сметаат дека тие треба што поскоро да се направат
Објавено во: Македонија 05 Април, 2024
ПРЕТСЕДАТЕЛСКИТЕ КАНДИДАТИ НА СРЕДБИ СО ГРАЃАНИ
Кандидатот за претседател Стево Пендаровски се обрати пред граѓаните на Пробиштип и повторно ја побара нивната поддршка на 24 април и на 8 мај.
„Не постои еден единствен граѓанин кој сакал да ме види, да поразговара со мене, а да не сум го примил. Не постои ни еден кој побарал помош од мене, а да не сум се обидел во рамки на моите можности, да му помогнам. И не постои ниту еден граѓанин, човек во нашава држава кој може да каже дека сум го деградирал, дека сум го дискриминирал, дека сум го понижил, дека сум го навредил само затоа што не е од оваа политичка структура, само затоа што не е Македонец, или од која било вера и да е“, потенцираше Пендаровски.Претседателската кандидатка на Левица, Билјана Ванковска вели дека прв нејзин чекор ќе биде да го раскине Договорот со Бугарија.
Рече дека барањата од другата страна веќе го надминаа договорот.
СПОРЕД КАТИМЕРИНИ, ДОГОВОРОТ ОД ПРЕСПА Е ОСПОРЕН ВО ПРЕДИЗБОРИЕТО
Грција со внимание ја следи изборната дебата во Македонија.
Грчкиот весник „Катимерини“ ги пренесува пораките на лидерите на власта и на опозицијата околу Преспанскиот договор.
Весникот вчера објави текст под наслов: „Договорот од Преспа оспорен во предизборната дебата во Северна Македонија“, во кој се пренесуваат пораките на лидерот на опозицијата Христијан Мицкоски и на првиот човек на СДСМ, Димитар Ковачевски, изнесени во телевизиска дебата на Канал 5, која што што се одржа деновиве во рамките на изборната кампања за претседателските и парламентарните избори во земјата.ВО СРБИЈА ТРАЕ ПОТРАГАТА ПО ТЕЛОТО НА ДАНКА
Осомничените за убиството на Данка Илиќ биле пијани и на полиграф.
Началникот на Управата на криминалистичката полиција на Србија, Нинослав Чмолиќ, детално го опиша текот на истрагата за исчезнувањето на Данка. Тој рече дека по пријавата за исчезнувањето, полицијата излегла на терен, извршила увид во околината и собрала информации. Потоа бил активирам системот „Најди ме“ и испитана мајката.
ЧИТАЈТЕ УШТЕ
фото Фејсбук/Бујар Османи