ФАКТОР НА ДЕНОТ: Прекината е седницата за уставни измени, 80 пратеници нема, Ковачевски вели дека ВМРО-ДПМНЕ се за блокади

Добивај вести на Viber

НЕМА ДВОТРЕТИНСКО МНОЗИНСТВО

Премиерот Димитар Ковачевски попладнево на прес - конференција изјави дека денес започна процесот за изгласување на уставните измени. 

Вели дека стана кристално јасно кој навистина сака Македонија да биде просперитетна држава, а кој сака да блокира.  Рече дека ВМРО-ДПМНЕ знае само за блокада и изолација. 

„Покажаа дека немаат никакви аргументи, немаат идеја за дискусија и дека не водеа дебата. Со огромна леснотија тие покажуваат дека се подготвени да ја блокираат европската иднина“, рече премиерот. 

Кажа дека граѓаните сакаат економски напредок, подобар живот, со вредностите кои ги има во ЕУ и САД. 

Пратеникот од ВМРО-ДПМНЕ, Никола Мицевски вели дека властите прифатија услови за евроинтеграции кои значат или вечни преговори или асимилација. 

РЕЏЕПИ ВЕЛИ ДЕКА АЛБАНСКИТЕ ОПШТИНИ МОЖАТ ДА ГО БАРААТ ПАТОТ КОН ЕУ

На седницата во Собранието денеска независниот пратеник Скендер Реџепи предупреди дека во иднина албански општини можат да си го бараат патот кон ЕУ доколку Македонија не продолжи на европскиот пат.

Реџепи рече дека Албанците во Македонија не треба да бидат заложници на неколку лица на патот кон ЕУ.

Откако независниот пратеник Скендер Реџепи денеска во Собранието изјави дека албанските општини во иднина можат да си ја бараат иднината во ЕУ, ако Македонија заостане со евроинтеграциите, му одговори колегата од Левица, Борислав Крмов. 

Вели дека тоа се повици за создавање кризи. 

ПОЛИЦИЈАТА ГО БАРА ЛИЦЕТО КОЕ ВЕЕШЕ ЗНАМЕ НА ГОЛЕМА АЛБАНИЈА

Министерство за внатрешни работи бара помош од граѓаните за пронаоѓање на лицето кое на градскиот плошад Тетово вееше знаме „голема Албанија“. 

ЧИТАЈТЕ УШТЕ

Кромидот е неизбежен дел од многу македонски јадења. Бучин е крушевско село познато по долгата традиција на производство на кромид. Но, површините засадени со кромид сега се многу помали од порано.

Од два до четири денари ќе поскапат цигарите и разни други тутунски производи следната година поради измените на Законот за акцизите кои се доставени во Собранието.

Сопругата на поранешниот претседател на Државната изборна комисија, Оливер Деркоски, Донка Деркоска, стана еден од новите сопственици на едно од најголемите логистички центри за транспорт и шпедиција во Македонија.