ФАКТОР НА ДЕНОТ: Се навршија 117 години од смртта на Делчев, изјавите од Бугарија ја брануваат јавноста

Добивај вести на Viber

СЕ ОДБЕЛЕЖУВААТ 117 ГОДИНИ ОД СМРТТА НА ГОЦЕ ДЕЛЧЕВ

Делегација од Собранието предводена од пратеничката Фросина Ременски денеска во црквата „Свети Спас“ во Скопје положи свежо цвеќе по повод 117-годишнината од смртта на Гоце Делчев. Ременски рече дека некои историски константи не можат да бидат предмет на политичко договарање, смета пратеничката Фросина Ременски прашана во врска со тоа како гледа на несогласувањата што постојат меѓу нашата земја и Бугарија за Гоце Делчев.

– Фактот дека Гоце Делчев е наша историска константа вткаена во нашата државност и во нашата револуционерна борба и во тој контекст не може да има какви било политички толкувања, меѓутоа историските факти треба да се земат предвид и секако да се почитува фактот дека нашиот великан Гоце Делчев почива во престолнината на слободна и суверена Македонија како што и беше неговиот аманет. Во далечните времиња на поствоена Југославија заедно со великанот Јосип Броз Тито, чија смрт ја одбележуваме, исто така, на денешен ден, вреди да се спомене дека благодарение на соработката моштите на Гоце Делчев почиваат во Скопје. И денеска ја имаме таа историска прилика како нови генерации и генерации кои ги следат неговите идеали да се поклониме пред неговиот гроб и да оддадеме почит на неговите дела за нашата државност, изјави Ременски.

КОВАЧЕВ ВЕЛИ НЕ САКААТ ДА ГО ЗЕМАТ ДЕЛЧЕВ

Ние не сакаме да им го одземеме Гоце Делчев од Македонците, затоа што и ние и тие сме наследници на истите луѓе кои во минатото не делеле, изјави бугарскиот европратеникот Андреј Ковачев. 

„Денеска се навршуваат 117 години од смртта на Гоце Делчев. Личноста на големиот револуционер не треба да ги дели, туку да ги обединува Бугарија и Република Северна Македонија. За жал, толкувањето на модерната реалност е основа на апсолутно фалсификување на историјата“, вели Ковачев за БГНЕС. 

Тој смета дека „од исклучителна важност е актуелните генерации во Македонија да не продолжат да се едуцираат во лага, која создава омраза и поделба“, но во исто време истакнува и дека „никој не сака на современото население во Македонија да му наметнува како ќе се нарекува“. 

ПЕЈАЧОТ ДРАГАН ВУЧИЌ ЈА ИЗГУБИ БИТКАТА СО КОРОНАТА

На Клиниката за Инфективни болести, утринава почина Драган Вучиќ, познатиот музичар и водител. Во изјава за Женски магазин негови блиски пријатели, велат дека тој бил позитивен на вирусот Ковид-19.

Вучиќ кој боледувал од дијабетес, на Инфективната клиника бил хоспитализиран  цела недела, со висока температура и со покачен шеќер. 

Министерот за здравство, Венко Филипче денеска на прес - конференција изјави дека денеска имаме еден пациент на возраст од 65 години, кој починал. 

Министерот вели дека над 50 здравствени работници од 70 кои беа заразени во Куманово, се вратени на работа. 

СЕ УРНА ХЕЛИКОПТЕР

Хеликоптер паднал на аеродромот во Скопје, потврди Министерството за внатрешни работи.

„Денес околу 11.30 часот пријавено е дека на стара платформа до Полициската станица на Г.П. „Меѓународен Аеродром Скопје“ од кога наполнил гориво хелихоптер на МВР M 17 од засега непознати причини при полетување паднал. 

ЧИТАЈТЕ УШТЕ

Германија е во рецесија поради пандемијата со коронавирусот, а тоа може да се одрази на работните места на македонските граѓани кои се таму, но и на работниците од регионот кои заминале во Германија.

Направивме анализа на годишните сметки на скоро 400 микро, мали, средни и големи компании корисници на средства на Фондот за 2019, споредено со предходните години. Бројките се повеќе од охрабрувачки.

Македонската економија годинава треба да падне за 3,4 отсто според основното сценарио на МФ, со тоа што негативните ефектите се очекува да бидат најголеми во второто тримесечје, во третото се очекува забаваување на контракцијата, а во четвртото закрепнување и позитивен резултат.

Шефот на државата Стево Пендаровски нема да учествува на прославата на 75-годишнината од победата во Втората светска војна на 9 мај во Москва, затоа што претседателот деновиве добил известување дека настанот е откажан поради епидемијата, потврдуваат од неговиот Кабинет за „Фактор“.