ФАКТОР НА ДЕНОТ: Вархеји допатува во Скопје, немаше изјави, туку на Твитер информираа за што разговарале со Заев

НЕМА ДА ИМА ПРОДОЛЖУВАЊЕ НА ПОПИСОТ

Директорот на Државниот завод за статистика,  Апостол Симовски, за ТВ21 изјави дека нема потреба од пролонгирање на рокот за спроведување на пописот, бидејќи е убеден оти целиот процес ќе биде комплетиран навреме.

Дел од граѓаните се жалат дека попишувачите воопшто не дошле во нивните домови.

Oд Владата соопштија дека не е разговарано за пролонгирање на пописот, и дека ДЗС ќе го има последниот збор. 

БЕЗВИЗНИОТ РЕЖИМ ПОД ЗНАК ПРАШАЛНИК?

ЕУОбсервер утрово го објави ексклузивниот интерен документ на земјите членки во ЕУ - Германија, Франција и Италија се гневни за „злоупотребата” на визниот режим од страна на граѓани на земјите од Западен Балкан, како и на трите земји од Источното партнерство, кои бараат исто така формално членство во ЕУ.

НОВА ПРОТЕСТНА НОТА ОД БУГАРИЈА

Бугарското МНР му врачи протестна нота на привремениот шеф на амбасадата на Република Северна Македонија, Владимир Крстевски поради замена на спомен-плоча која претходно била испишана на бугарски јазик.

ДЕНЕС ИМА 454 ЗАРАЗЕНИ СО КОВИД

Министерството за здравство информира, согласно податоците од Институтот за јавно здравје дека во последните 24 часа:

Направени се 3.425 тестирања, а регистрирани се 454 нови случаи на КОВИД-19:

Скопје – 209, Куманово – 45, Штип – 22, Кавадарци – 17, Прилеп – 16, Велес – 15, Битола – 13, Крива Паланка – 12, Охрид и Струмица – по 11, Кичево – 10, Кочани, Свети Николе и Кратово – по 9, Тетово и Гевгелија – по 7, Ресен – 5, Виница и Валандово – по 4, Неготино, Радовиш и Македонска Каменица – по 3, Гостивар, Струга, Дебар и Демир Хисар – по 2, Берово и Крушево – по 1.

Регистрирани сe 308 оздравени пациенти од: Скопје – 208, Струмица – 17, Тетово – 10, Велес и Битола – по 8, Прилеп и Кочани – по 7, Штип – 6, Дебар – 4, Крива Паланка, Кичево, Свети Николе, Гостивар и Пробиштип – по 3, Кавадарци, Кратово, Гевгелија, Неготино, Радовиш, Делчево и Демир Капија – по 2, Виница, Валандово, Македонска Каменица и Богданци – по 1.

Во текот на изминатите 24 часа починале 9 лица: 5 починати лица од Скопје (84г, 79г, 66г, 62г и 57г), 2 починати лица од Куманово (63г и 30г) и по едно починато лице од Гостивар (64г) и Кавадарци (80г). Сите пријавени лица се починати во болнички услови.

ЧИТАЈТЕ УШТЕ

Жителите на Чешиново, село познато по производство на ориз, и оваа година се разочарани, затоа што годината беше лоша, временските услови неповолни, приносите ќе бидат слаби, а откупната цена ниска.

Изградбата на автопатот Кичево - Букојчани кон Гостивар на Коридорот 8 во должина од 12,7 километри ќе чини 110 милиони евра, според законотот за гаранција според кој Европската банка за обнова и развој треба да му го даде овој заем на Јавното претпријатие за државни патишта, а за истиот е предложено да се донесе по скратена постапка во Собранието.

Полскиот државјанин Војчек Едвард Пилц, кој пред околу еден месец купи близу 22 отсто од акциите на кичевскиот рудник „Тајмиште“, ја менува целата раководна постава во компанијата, а тој ќе биде назначен за претседател на Одборот на директори.

Болката не е примарен и главен симптом кај скоро сите карциноми на репродуктивните органи кај жената, но доколку се појави одредена состојба тогаш веќе е задоцнето со дијагностика, посочува во денешното интервју, д-р сци мед Никола Баџаков, специјалист гинеколог во приватната клиничка болница Аџибадем Систина.

И по промената на името државната „Пошта“ продолжи да работи со загуба. Под палката на Јани Макрадули државното претпријатие и покрај владината корона субвенција од речиси 2 милиони евра, годината ја заврши со загуба од 1,54 милиони евра и зголемен број вработени

Куќа со помошна просторија, ливада, едно возило, заштеда ама и кредит има во имотната состојба новиот претседател на Советот на јавни обвинители Антонио Јолевски.