Фифа: Пожарната е интервентна служба, а ни се укинуваат додатоците

Добивај вести на Viber

Синдикатот на пожарникари на Град Скопје е против владината одлука со уредбата со која се врши ограничување на исплатата на додатоците на плата за април и мај во јавниот сектор да биде вклучена и оваа фела.

Роберт Фифа, член на синдикатот на пожарникарите.за „Утрински брифинг“ вели дека тие се во првите борбени редови додека владее кризата со епидемијата и побара уредбата да не ги опфаќа нив, како што не ги опфаќа специјалните единици.

- Мислиме дека како што припадниците на специјалните единици „Тигар’’ и „Волци’’ во рамките на МВР и МО интервенираат само во исклучителни ситуации, а нив не ги опфаќа оваа уредба, така и ние треба да бидеме ставени во редот на униформирани интервентни служби и така да бидеме третирани во овој случај, вели Фифа.

Тој додава дека во уредбата дополнително е изземена и затворската полиција, покрај припадниците на МВР, на одбраната и на здравството, но не и на пожарникарите, иако тие често работат трета смена.

- Ние спаѓаме во интервентни служби и нелогична е оваа одлука. Имаме и поддршка од Град Скопје. Има најави дека е можно да се промени таа одлука. Јас ссум сигурен дека ова решение било на еден или двајца луѓе. Затоа мислам дека треба да се размисли за негова промена. Упативме официјално барање да бидеме изземени, а имаме сознание дека тоа го направиле и синдикатите од други градови, додаде Фифа.