Филип Морис го прошири своето работење во Грција

Добивај вести на Viber

Меѓународниoт производител на цигари Филип Морис денеска најави формирање на европски дистрибутивен центар во Грција, како дел од својата програма за ширење во задолжена земја. „Договорот што го потпишавме во февруари, нашиот магацин во Агринион сега ќе се претвори во дистрибутивен центар на Филип Морис за цела Европа", рече извршниот директор во Грција, Никос Теофилополус, јавува Франс Прес. Кон крајот на февруари, Филип Морис се обврза да ги купи половина од грчкото производство на цигари во наредните три години. Агринион беше познат по производството на цигари, но е соочен во последниве години со загуба на репутацијата. „За Филип Морис, Грција е земја од стратешко значење во однос на ориентален тутун. Во текот на изминатата деценија, нашите инвестиции во Грција надминаа 600 милиони евра, "рече Теофилополус по состанокот со грчкиот премиер Антонис Самарас. Од почетокот на должничката криза грчката економија се обидува да закрепне бидејќи претрпе голема штета поради сериозната рецесија и се соочи со скок на стапката на невработеност до 27 отсто.