Филипче до Мицкоски: Не го делиме народот, туку го заштитуваме
Објавено во: Македонија 08 Август, 2021
Венко Филипче, министерот за здравство, реагираше на ставот на лидерот на ВМРО-ДПМНЕ, Христијан Мицкоски, дека владата со новите мерки го подели народот на вакцинирани и невакцинирани.
„Јавното здравје и колективната заштита се приоритет, а мерките кои се донесени се исклучиво во таа насока. Тие не го „делат народот“ како што изненадувачки изјави лидерот на опозицијата, туку се нужни за заштита на граѓаните, здравствените работници и самиот здравствен систем. Овие мерки се применуваат во многу држави и веќе даваат резултат.
Забраната за движење во шуми не го дели народот на планинари и оние кои не планинарат, тоа е заштита од пожари. Условот за запишување во училишта на децата со примена вакцина не е поделба на децата туку нивна заштита од болести и епидемии. Ничие лично право не е над правото на колективна заштита на здравјето на граѓаните.
Барам максимална одговорност од сите, Делта сојот брзо се шири. Податоците и трендовите кои ги имаме се многу сериозни. Апелирам на доследно почитување на постоечките мерки за заштита и масовна вакцинација“, напиша Филипче на Фејсбук.
Мицкоски, денеска чевствувајќи го „Карпалак“ во прилеп рече дека е на страната на граѓаните кои што негодуваат на новите рестриктивни мерки донесени од Владата на синоќешната седница.
- Ги слушнав ковид-мерките и не можам да се изначудам. Навистина тие потсетуваат на едни минати времиња од пред 40-50 години. Ваков начин на поделба на граѓаните е незапаметен во модерното човештво. Апсолутно ги отфрлам овие мерки кои што се таканаречени квазимерки. Не само што немаат цел да го заштитат здравјето на граѓаните, туку дополнително да направат поделба.
Овие мерки имаат единствена задача практично да воведат вештачка непримерна контрола. Ќе го уништат оној бизнис кој колку толку започна да функционира. Ќе донесат и фрустрација кај граѓаните, кај оние кои имаат уставно загарантирано право да изберат дали да се вакцинираат, одговори Мицкоски откако беше побарано став од него од медиумите.
Можеби ќе ве интересира
Каде ќе се прегласува во среда, а кој колку мандати освои: ДИК официјално
Градоначалник доби кривична: Незаконски располагал со буџетски средства за време на избори
ШТО ЛИ ЌЕ СЕ ДИСКУТИРА: Претседателството на ДУИ ќе состанчи попладнево
Се вози без возачка, се „лета“ на црвено, се зборува на мобилен: МВР казнува низ Скопје
Тошковски: Лишен од слобода виш аналитичар во СВР Скопје, фатен со над 10 илјади евра од сторена измама
Управен суд ги одби како неосновани сите седум тужби од „Европски фронт“
Град Скопје обвинува дека „Дизниленд Реквизити“ незаконско и насилно монтира панорамско тркало: Кој се крие зад чаирската фирма?
ОЈО предложи притвор за осомничениот што си ги уби братот и снаата во Стајковци
За десетина дена би можел да се знае составот на новата влада: Обвинувања за притисоци за решенијата и одлуките за поништеното гласање
