ФИЛИПЧЕ: Глобално расте бројот на смртни слуачаи, но епидемијата го достигна пикот

Добивај вести на Viber

Министерот за здравство Венко Филипче на денешната прес конференција ги презентираше најновите податоци за состојбата со коронавирусот и посочи дека евидентиран е порастот на смртни случаи предизвикани од коронавирус, како на глобално ниво, така и во Македонија.

-Глобално, расте бројот на смртни случаи, односно тој број изнесува 60.000 починати на неделно ниво. Сите земји во светот се соочуваат со истиот предизвик, пред сè со менаџирањето на болничките капацитети и недостаток на медицински персонал. Во регионот состојбата е слична, односно во Србија се бележат рекордни бројки, по 50 смртни дневно, а иста е ситуацијата и во Хрватска каде има 50 смртни случаи, во Словенија која е земја слична по број на население како Македонија има 1.767 нови случаи секој ден, а смртни случаи бележат по 46 дневно. И бугарскиот здравствен систем е совладан од наглиот пораст на пациенти. За жал евидентиран е порастот на смртни случаи и кај нас по, а по недели, од почетокот на ноемврви регистрираме 111, 149, 182 и 206, истакна министерот за здравство на денешната прес-конференција.

Сепак, тој рече дека епидемијата го достигна пикот минатата недела, па бележиме благ пад на нови случаи.

Во однос на болничките капацитети, како што напомена, сè уште постои притисокот, но легла има во сите ковид центри во земјава.

– Во внатрешноста има близу 1.000 легла на располагање во трите регионални центри Битола, Тетово, Штип. Во Скопје интензивно работевме на проширување на интерните клиники и обезбедивме околу 200 кревети. Последно е на Клиниката за уво, нос и грло, каде се уште нема пациенти, но може да се примат, а дополнително 160 кревети има во модуларните болници и 40 во болницата во Козле, појасни Филипче.