Филипче ќе оди кај Шилегов да го наговори да се повлече
Објавено во: Македонија 12 Декември, 2018
Венко Филипче, министерот за здравство, денеска најави дека ќе оди кај скопскиот градоначалник Петре Шилегов за да разговараат во врска со надминувањето на револтот кој настана кај докторите и останатиот персонал во клиничкиот центар „Мајка Тереза“.
По предлог на Шилегов, Град Скопје донесе одлука да го поскапи паркингот за вработените во Клиничкиот центар од 300 на 800 денари месечно со цел да се зголеми бројот на места за возилата на болните пациенти, но тоа предизвика протести и незадоволство два дена по ред кај лекарите, медицинските сестри, болничарите и персоналот за одржување.
Најверојатно Филипче ќе се обиде да го убеди Шилегов да се повлече од оваа одлука.