ФИЛИПЧЕ: За некои лекови за ковид потрошувачката во болниците е тројно зголемена, но нема недостиг од медикаменти
Објавено во: Македонија 09 Декември, 2020
Министерот за здравство д-р Венко Филипче денеска се сретнал со директорите на интерните клиники, а се разговарало за третманот на болните, моменталната состојба со капацитетите на ковид центрите и ротациите со персонал.
На состанокот се разгледувала состојбата за достапност на болничка терапија за ковид пацинетите кои се хоспитализирани. И покрај зголемената побарувачка на одреден број на лекови, доставата на терапиите оди тековно и нема застој. За некои лекови кои се користат во болниците, потрошувачката е тројно зголемена во однос на истиот период лани, но потребните колични се испорачуваат и нема недостиг од лекови.
Во моментов има доволно слободни места на интерните клиники, а Министерството за здравство, ја следи состојбата со бројот и приемот на пациенти и доколку се јави потреба ќе се отворат дополнителни капацитети за згрижување ковид пациенти. Во однос на кадарот ќе бидат испратени дополнителен борј лекари во сите ковид центри на интерните клиники.