Флоријан Хан навестува дека меѓународната заедница ќе прифати промена на граници меѓу Косово и Србија
Објавено во: Балкан 27 Февруари, 2019
Портпаролот на парламентарната група на Христијанско-демократската унија (ЦДУ) Флоријан Хан порача дека „меѓународната заедница, доколку Косово и Србија се согласат дека решението е во промена на границата, тогаш тоа мора да го прифати“.
„Со промена на границите мора да се дејствува многу внимателно, но лично мислам дека две суверени држави кога ќе се согласат да ја променат заедничката граница и кога се во состојба да сносат одговорност за тоа, тогаш меѓународната заедница тоа треба да го прифати“, рече Хан во интервју за „Долче веле“ на албански јазик.
Според него, Германија сака тој договор да се дополни со „взаемно признавање на суверенитетот“. Вели дека ако две суверени држави се договорат една со друга и можат да сносат секаква одговорност за својата земја, тогаш меѓународната заедница мора да го прифати тој договор.