ФОКУС НА ДЕНОТ: Заев и Мицкоски одат на дуел, книгата на Андов забранета
Објавено во: Македонија 21 Март, 2019
За идната недела е закажан дуел меѓу премиерот Зоран Заев и лидерот на ВМРО-ДПМНЕ, Христијан Мицкоски.
Тие ќе се соочат во вторник, на Канал 5 телевизија. Дуелот започнува во 18:30 часот.
Двајцата политички лидери го потврдиле своето присуство.
По тужбата од Фрчковски судот ја забрани продажбата на книгата “До атентатот и по него” на Стојан Андов .
Како што стои во решението од судот оваа има наслов кој имплицира вмешаност во атентатот на Глигоров на Фрчкоски поради повреда на личните права на тужителот Љубомир Фрчкоски.
Мерката е привремена а решението на судот се однeсува на сите кои вршат продажба на книгата, располагаат со неа и ја нудат на користење како библиотеки, книжарници, издавачки куќи.
Македонските џихадисти добија казни од 6 до 9 години затвор. На шест обвинети за војување во Сирија, Елмедин Османи, Ахмед Џенгис, Орхан Жупани, Бујамин Фетон, Ибрахим Шабани и Алмир Миртовски, судот им изрече 6 -годишна казна затвор, а казна од 9 години доби Сафер Рамадани кој бил и припадник на „Исламска држава“ и одговараше и за терористичка организиација. Овие казни ги добија откако пред два дена на судењето признаа вина, изразија жалење и ветија дека нема да прават нови кривични дела.ВМРО-ДПМНЕ има забелешки од 120 страници за Законот за СЈО.
Преку претседателот на правната комисија Тони Менкиновски, партијата ги искажа своите забелешки околу новиот закон за СЈО.
Гордана Силјановска Давкова, кандидатот на претседател на Македонија, се огласи на Фејсбук и побара нејзиниот син да го остават на мир и да не го злоупотребуваат во политичката кампања, откако на социјалните мрежи се појави фотографија како во парк свири на кавал и собира добротворен прилог.