(ФОТО) Главниот терорист од нападите во Брисел сè уште на слобода
Објавено во: Свет 23 Март, 2016
Белгиските власти ја повлекоја информацијата дека го уапсиле Наџим Лахрауи, третиот осомничен терорист за нападите во Брисел, што вчера беше објавена од безбедносните служби. Главниот џиихадист од редовите на ИСИС, се уште е на слобода, а државата стравува дека постои голем ризик од нови напади.
Ова следи откако на аеродромот „Завентем“ беа пронајдени Калашников и повеќе неексплодирани рачно изработени бомби.
Белгиското федерално обвинителство соопшти дека двајца од бомбашите самоубијци во бриселските напади, се идентификувани како браќа, Халид и Брахим Ел Бакрауи – и тие од порано ѝ биле познати на полицијата.
Третото лице со бела јакна, веднаш до нив, успеало да им избега.Снимките од безбедносните камери го покажуваат со очила и брадичка, во светло палто и црн шешир, како на аеродромот турка количка во која носи црна торба.
Подоцна тој е идентификуван како Наџим Лахрауи, а и тројцата се поврзани со Салах Абдеслам, приведен минатиот петок во Брисел заради учество во нападите во Париз од 13 ноември минатата година.
Инаку, во вчерашните напади во Брисел загинаа 34 лица, а над 200 беа повредени. За масакрот одговорност презеде Исламската држава.
Терористичката акција се состоеше oд истовремени, координирани напади врз клучни инфраструктурни локации во срцето на административната престолнина на Европската Унија.