(ФОТО) ИМА ДОБРА ИДЕЈА: Од „камен кафез“ отишла во село
Објавено во: Балкан 28 Јануари, 2019
Ако идејата на Кристина Кљајиќ Инаурум успее, и групите на жени од селото се формираат според планот, тогаш Србија ќе ја добие првата женска задруга.
Тоа нема да биде само стопанска соработка, туку и сеопфатно заедништво.
Идејата им е да се вратат на село, да се оддалечат од брзиот живот, и да бидат среќни.
Кљајиќ Инаурум е архитектка која живеела во неколку големи градови, била и во странство, но решила да направи промена.
И здодеал брзиот живот, трчање, и решила да формира иницијатива Еко села Србија.
Се вратила во селото Штавица и решила да го оживее стариот имот, раскажува таа за српски Телеграф.
„Сега се вмрежуваме. Не сме доволно за да со документи основаме задруга, затоа што од работа не наоѓаме време, но ќе биде“, вели таа.
Прв чекор е да обнови дел од селскиот дом, за да можат жителите таму да се собираат.
Крајна цел им е живот во склад со природата.
Ќе се занимаваат со еко производство и од тоа ќе живеат. Архитектката вели дека денес многу се нагласува женската самостојност, но тие сакаат да ги развиваат женските принципи, да работат заедно, една жена да цува деца, друга да готви ручек за сите и слично.