(ФОТО) Куманово до доцна вечер го чистеше свлечиштето
Објавено во: Македонија 18 Јуни, 2019
Јавните претпријатија од Куманово до подоцнежните вечерни часови го чистеа страничното свлечиште на улицата „Титова Митровачка“ по поројниот дожд што го зафати градот попладне и непрекинато врнење речиси еден час со силен интензитет и силни електрични празнења.
- Во тек е чистење на јавните патишта и површини по денешните обилни врнежи од дожд. Дежурните екипи на ЈП "Чистота и зеленило" и ЈП "Водовод" се на терен, чистењето ќе трае до доцните вечерни часови. Утре ќе следува санација на оштетените коловози на различни локации во градот и расчистување на свлечиштата, објави градоначалникот Максим Димитриевски.
Покрај тоа имаше и поплавени објекти, а екипите на терен ја црпеа водата од поплавените простори.