(ФОТО) Обединетите Нации го променија името на Македонија

Добивај вести на Viber

Обединетите Нации со седиште во Њујорк изминатата вечер го променија називот на Македонија во графата на земјите-членки. На местото „Поранешна југословенска репубика Македонија“, сега стои името „Северна Македонија“ во списокот на признати држави подредени по азбучен ред.

Договорот меѓу Атина и Скопје за посредништво со ОН за формално признавање на "Република Северна Македонија" е добредојден, "историски" чекор што треба да го поддржат регионалните и меѓународните земји-членки, објави претходно генералниот секретар на ОН, Антонио Гутереш..

Во изјавата што следи по влегувањето во сила на Преспанскиот договор меѓу двете земји во вторникот, генералниот секретар на ОН потврди дека добил официјално известување за стапување во сила на договорот кој го решава 27-годишниот спор.

„Гутереш им честиташе на двете страни, и на премиерите Алексис Ципрас од Грција и Зоран Заев од Северна Македонија за нивната определба за креирање напредна визија за односите меѓу двете земји и за помирување во балканскиот регион и пошироко", се вели во последното соопштение.

Тој додаде дека е "длабоко благодарен" на претставникот на Обединетите нации за најдолго служба, Метју Нимиц, и за неговата "непоколеблива посветеност" во спроведувањето на договорот.

Во четвртокот попладне, Протоколот на ОН и Службата за врски ја објавија официјалната промена во рамките на организацијата. Официјалната долга верзија на името ќе биде „Република Северна Македонија“.

Претходно, спорот во ОН помеѓу Скопје и Атина беше карактеризиран како „навидум нерешлив“ во организацијата.