(ФОТО) Ова е најдобриот автомобил за 2016-та
Објавено во: Свет, Стил 24 Март, 2016
Избран е најдобриот автомобил на светот за 2016-та година. Mazda MX-5 беше изгласана за најдобар автомобил на овогодинешниот традиционален избор на автосаемот во Њујорк.
Автомобилот беше дефиниран како „фастбек со блага линија на покривот и монтажен тврд покрив со задно стакло". Самиот покрив може да се собира или отвора при брзина до 10 km/h, a зазема сосема малку простор и не се намалува обемот на багажникот.
Друга карактеристика на новата варијанта на родстер е специјалната боја - Machine Grey.Во палетата за Европа кај родстерот Mazda MX-5 влегуваат 1,5 и 2,0-литарски бензински мотори SkyActiv-G, кои работат во комбинација како со 6-брзински мануелен менувач SkyActiv-M, така и со 6-степен автоматски, достапен само за верзијата со тврд покрив RF.
За најдобар луксузен автомобил во светот за 2016 година беше прогласена новата генерација на предводникот на BMW, престижната Серија 7, а за најдобар спортски модел - Audi R8. Наградата Светски еко автомобил на годината 2016 оди во рацете на Toyota Mirai.