(ФОТО) Ова е убиениот син на познати лекари од Чачак кој е избоден до смрт

Добивај вести на Viber

Милош М. (24) студент од Чачак, е избоден до смрт на влезот во зграда во Улицата Димитриј Туцовиќ 20а на Ѕвездара. После злосторството напагачот избегал, пишуваат српските медиуми.

Нападот се случил околу 6 часот кога момчето се враќало од кај девојката.

-Непознат напаѓал , кој наводно бил во бела јакна, го нападнал Милош и со нож го избодел по раце и гради. Наводно, пред да се случи тоа, Милош извикувал: „Немој , брате“.

Момчето некако успеало да дојде до влезот во зградата, дури и го ставил клучот во брава, но тука се онесвестил-раскажал извор од истрагата.

Соседите кои слушнале викање повикале Итна помош. Меѓутоа, момчето многу искрварило, па сите напори на лекарите да го вратат во живот биле неуспешни. После повеќечасовна борба за неговиот живот, тој починал во болница, додал извор за српски курир.

Силни полициски сили неколку часа го обезбедувале местото на трагедијата.

Наводно, убиениот е припадник на една навивачка група на Партизан, па се проверува кој и зошто би можел да го убие. Инаку, тој како сите млади сакал да посетува натпревари, но во последно време не одел - раскажал извор.

Соседите велат дека настраданиот Милош живеел во стан на првиот кат со цимерот.

-Живееја овде две или три години, и изгледаа како пристојни момчиња. Од нивниот стан никогаш не се слушнала галама, ниту повишени тонови, едноставно беа студенти, фини и мирни момчиња - велат соседите.

Како што се дознава , Милош е син на угледни чачански лекари а имал и сестра која студира во Белград.

-Татко му е познат хирург во градот а мајка му е стоматолог. Беше многиу фино и воспитано момче-пишуваат српски медиуми повикувајќи се на изјави на сведоци.