(ФОТО+ВИДЕО) ГОРИ КАЈ ЛОС АНЏЕЛЕС: Пламените јазици ќе ја „голтнат“ и куќата на Бијонсе?
Објавено во: Свет 07 Декември, 2017
Повеќе пожари горат денеска во околината на Лос Анџелес, а над 200.000 луѓе се опфатени со наредбата за евакуација, па така и елитната населба Бел Ер, во која огнот се заканил на илјадници куќи.
Од северот на градот се повлечени 150.000 луѓе. Уште најмалку 50.000 луѓе добиле упатства да ги напуштат своите домови во округот Вентура. Пожарот наречен Томас, се проширил за само два дена бил надвор од контрола.
„Проживуваме тешки денови, но тие воедно сведочат за издржливоста на нашиот град"- вели градоначалникот на Лос Анџелес, Ерик Гарсети.
Пожарот е закана за 12.000 објекти, од кои изгореле 150. Досега едно лице загинало, а материјалната штета ќе расте.
Над градот утрово се појавил црн чад, кој можел да се види од десет километри далечина.
Медиумите ја покажувале населбата Бел Ер, во која славни личности и милијардери, меѓу кои Илон Маск и Бијонсе, имаат вили вредни повеќе милиони долари.
Горел имотот на магнатот Руперт Мардок, вреден 30 милиони долари, пренесуваат медиумите.