ФОТО+ВИДЕО: Одмазда на десничарите, нападнат камп на Хиос

Добивај вести на Viber

Тензична е ситуацијата на грчкиот островот Хиос. 

Кампот синоќа беше мета на непознати напаѓачи, кои фрлаа молотови коктели и други предмети, предизвикувајќи пожар и уништувајќи неколку шатори на бегалците.

Нападнати се и двајца активисти кои им помагаат на бегалците. Напаѓачите најверојатно се ултрадесничари. Активистите се префрлени во болницата на Хиос со сериозни повреди.

Нападите доаѓаат еден ден откако група бегалци во средата украдоа пиротехнички материјал од продавница на островот и почна бунт и палење и во кампот и во куќи и автомобили околу кампот, а нападнаа и дел од локалните жители кои се обидувале да го одбранат личниот имот. Во бунтот изгоре дел од кампот, повредени се неколку бегалци. Има  материјална штета на домовите и на автомобилите, а полицијата уапси и приведе десетици мигранти и активисти кои учествуваа во немирите.

Немирите и нападите од одредени насилни групи создаваат тензија и вознемиреност и кај бегалците и кај локалните жители на островот. Градоначалникот на островот во телефонски разговор со министерот за миграција, Јанис Музалас, побара бегалскиот центар итно да биде затворен. 

Во бегалскиот центар на Хиос има повеќе од 1.000 бегалци и мигранти, а на целиот остров има повеќе од 4.000 бегалци.