Франција побара ЕП да и го одземе имунитетот на Марин Ле Пен
Објавено во: Свет 14 Април, 2017
Француски истражители побараа од Европскиот парламент да ја лиши од пратеничка неприкосновеност Марин Ле Пен, лидер на партијата „Национален фронт“ (НП) и кандидат за претседател.
Барањето беше упатено поради истрагата дека Марин Ле Пен злоупотребувала средства на Европарламентот за партиски потреби, прецизира весникот Figaro.
Истото барање е упатено и за другата европратеничка од НП Мари-Кристин Бутон
Барањето на истрагата кон двете беше упатено откако тие одбија да дадат индикации, повикувајќи се на својата пратеничка неприкосновеност. Ле Пен и Бутон се осомничени дека плаќале на лица кои официјално се водат како нивни парламентарни помошници, но работеле всушност целосно за НП и без воопшто да се појавуваат во Стразбур, каде што заседава Европарламентот.
Двете се осомничени за злоупотреба на довербата. Радио France info забележува дека постапката за одземање на пратеничкиот интегритет во Европарламентот се оддолжува со месеци. Тоа значи дека тоа нема да биде донесен до претседателските избори во Франција, кои ќе се одржат во два круга на 23 април и 7 мај.
Марин Ле Пен е меѓу главните претенденти за претседателската функција, некои дури сметаат дека таа ќе освои најмногу гласови во првиот круг, но ќе отстапи на вториот.