„Франкфуртер алгемајне цајтунг“ по самитот во Хелсинки: ЕУ прво ќе донесе одлука за Северна Македонија

Добивај вести на Viber

„Франкфуртер алгемајне цајтунг“ по савршувањето на самитот во Хелсинки и средбите на министрите за надворешни работи на земјите-членки на ЕУ и партнерите известува дека унијата не ја исклучува можноста прво да донесе одлука за почеток на преговорите со Северна Македонија.

„По средбата на ЕУ-министрите за надворешни работи со нивните колеги од двете земји (Северна Македонија и Албанија, н.з.), како и од Босна и Херцеговина, Косово, Црна Гора и Србија во Хелсинки, Могерини во петокот изјави дека значењето на проширувањето на ЕУ дошло до израз уште повеќе отколку досега. Одлука за почеток на преговори за приклучување со Северна Македонија и Албанија досега нема поради задршките на Франција, Данска и Холандија. Додека Париз укажува на неопходноста ЕУ прво да се зајакне, а потоа да се проширува, во Ден Хаг и во Копенхаген постои загриженост поради состојбата на реформскиот процес во Албанија. Оттука, не се исклучува ЕУ прво да донесе одлука за почеток на преговори со Северна Македонија.“, пишува изданието во својот извештај.

ФАЦ се повикува и на оптимистичките изјави на шефот на германската дипломатија Хајко Мас, кој „ќе се заложи за одлука во наредните недели“ и предупредувањето до него од страна на финскиот министер за надворешни работи, Пека Хависто, чија земја сега претседава со Советот на ЕУ, дека „други држави би се обиделе натамошно да го зголемуваат своето влијание на Балканот“.