Франција е новата Грција?

Добивај вести на Viber

Угледниот економски весник Економист пишува дека Франција се наоѓа пред сериозна криза, а веќе догодина оваа држава би можела да стане најголема закана за еврото. Весникот ги обвинува францускиот претседател Франсоа Оланд и премиерот Жан-Марк Еро за одложување на клучните реформи и нагласува дека  не се доволно храбри лидери за да наметнат реформи и покрај општото противење. Франсија се соочува со многу проблеми, економијата стагнира, расте  невработеноста и  трговскиот дефицит, а јавниот сектор опфаќа речиси 57 отсто БДП и е сериозен предизвик пишува Економист. „Бизнис атмосферата е влошена по низата левичарски мерки, вклучувајќи данок на највисоките приходи од 75 отсто, зголемени даноци за компаниите како и делумно намалување на претходно зголемените старосни граници за пензионирање. Истовремено, ниту елитата ниту гласачите не се подготвени за длабоки стуктурни реформи“, оценува неделникот. Сепак францускиот премиер Жан Марк Еро, за време на неговата посета на Германија апелираше за доверба во економските реформи на неговата социјалистичка влада. „Париз прави се за повторно поттикнување на економскиот раст“, истакнува Еро.