Француската модна куќа „Lacoste“ продадена поради семејна кавга

Добивај вести на Viber

Француската модна куќа за спортска облека „Lacoste“  е продадена на швајцарската семејна компанија „Maus Freres“ за 1 милијарда евра, соопшти Ројтерс. Зделката, која стана возможна поради конфликтите во семејството Лаконија, беше објавена во Женева од страна на швајцарската компанија. „Сите акционери на Lacoste од семејството одлучија да продадат своите акции на Maus Freres кои веќе имале 35% од капиталот на Lacoste преку филијалата својата компанија Devanlay", се наведува во соопштението. Во септември Софи Лаконија-Дурнел ја зазеде функцијата извршен директор на Lacoste, а тоа предизвика конфликт со нејзиниот татко Мишел Лаконија, бидејќи тој беше против тоа неговата ќерка да ја предводи модната компанија. Затоа тој одлучи да продаде 30,3% од акциите на Maus Frеres. Минатата недела, пак, стана јасно дека и Софи Лаконија-Дурнел го продала својот дел од 28%,  по спорот со членовите на семејството, на женевската компанија. На овој начин компанијата целосно премина во рацете на швајцарската Maus Frères. Приходите на француската компанија, основана пред 80 години од тенисерот Рене Лаконија, биле во вредност од 160 милиони евра за 2011 година, кои што дојдоа главно од продажба на лиценци за користење на брендот.