Фросина Ременски по сведочењето за Меѓународниот сојуз на Боки 13: Секој и секаде може да биде почесен претседател
Објавено во: Македонија 04 Септември, 2019
Фросина Ременски по сведочењето во Јавното обвинителство за гонење организиран криминал за случајот „Рекет“ за медиумите рече дека била повикана да даде одговор за се што е поврзано со Меѓународниот сојуз на Бојан Јовановски и истакна дека немала никакви контакти со преостанатите лица од аферата. За тоа што била прогласена за почесен претседател на Меѓународниот сојуз, не сакаше да открие дали била злоупотребена во тој случај додека се одвива истрагата во која осомничени се Боки 13, Зоран Милевски и Катица Јанева.
- Не сум запозната со контактите и фирмите на Меѓународниот сојуз. Почесно претседателство е признание за лице чии одредени активности имаат заеднички допирни точки со наводната активност на организацијата која го дава признанието. Почесно претседателство имаат и други лица кои во ниту еден момент не учествувале во активност на одредена организација која го прогласува“, рече пратеничката на СДСМ.
Додаде дека му остава на обвинителството да утврди што правел Меѓународниот сојуз.
- Грижата на совест е иднивидуална категорија и сите ние имаме одговорност и ситуации кога во животот другаруваме и сме во роднинска врска со луѓе јиу сториле нешто, но ние не ја превземаме нивната одговорност. Не ја избегнуваме одговорноста, не бегаме од државните институциите,како иако сум прв политичар што е повикан од обвинителството за „Рекет“, додаде Ременски.
Таа рече дека не се познава со Јанева и Милевски, ниту пак со бизнисменот Орце Камчев. Рече дека нејзините сопартијци во собраниската Комисија за именување ќе гласа за разрешувањето на Јанева исто како и Советот на јавни обвинители.