Фросина Ременски вели дека не влијаела врз бизнисмени да склучат договори со „Меѓународен сојуз“
Објавено во: Македонија 16 Март, 2022
Фросина Ременски тврди дека не влијаела врз бизнисмени да склучат договори со организацијата „Меѓународен сојуз“ на Боки 13.
Обвинетата во случајот на денешните завршни зборови во Основниот Кривичен суд Скопје потенцираше дека не учествувала во проектот за старечки домови, а најмалку била запознаена со финансиската вредност. Според неа, наводите дека е угледна личност не се доволен доказ за да биде обвинета. Таа кажа дека не договарала и преговарала и дека не е автор, ниту потписник на договорот. Вели дека потполно неоправдано и неосновано ја обвиниле.
„Судот не ги зел во предност сите учесници во овој процес и нивните врски со многу институции на локално и државно ниво. Силјан Мицевски на прашање пред бранителот, одговорил дека Фросина Ременски и Александар Кирацовски не влијаеле врз никој, ниту таа ја договорала цената на овој договор“, кажа Ременски.
Таа ја обвини обвинителката Ивана Трајчева за злоупотреба на службената положба, истакнувајќи дека се обидува да симулира кривично дело.
Обвинителството бара Бојан Јовановски, татко му, неговата асистентка, Јасна Ерцеговиќ и екс-пратеничката од Соцјал-демократите, Фросина Ременски да бидат прогласени за виновни и да им ги вратат парите на оштетените.
За одбраната, Боки 13 е невин. Ниту еден материјален и вербален доказ не укажал дека Јовановски, но и останатите обвинети сториле измама и переле пари.