Ганиу потврди дека 16 од жртвите се од Чаир
Објавено во: Македонија 23 Ноември, 2021
Официјално 16 жртви од автобуската несреќа која се случи утрово во Бугарија се од Чаир.
Градоначалникот на Општина Чаир, Висар Ганиу изјави дека бројот на жртвите од сообраќајната трагедија во Бугарија од оваа општина официјално е 16, но дека, според него, има повеќе жртви кои живееле во Чаир, но имаат адреси во други општини.
Тој потенцира дека за утре во 10 часот општината закажала седница во врска со трагичната несреќа во Бугарија, на која ќе се дискутира за правните начини за да се помогнат на настраданите семејства.