ГАЗА: Откриена е масовна гробница, дел од луѓето биле со врзани раце и нозе
Објавено во: Свет 23 Април, 2024
Масовна гробница со повеќе од 300 тела е откриена во болница во Газа.
Таа е најдена во болница во градот Кан Јунис во јужниот дел на Газа, соопштија работниците од цивилната одбрана на Газа. Јамен Абу Сулејман, директор за цивилна одбрана во Кан Јунис, изјави за Си-Ен-Ен дека во вторникот во медицинскиот комплекс Насер се откриени 35 тела, со што вкупниот број достигна 310. Околу 73 тела се откриени во понеделникот.
Сулејман тврдеше дека некои од телата се пронајдени со врзани раце и нозе, а имало знаци на егзекуции на терен. Не знаат дали се живи закопани или егзекутирани. Повеќето од телата се распаднати.
Претходно, портпаролот на цивилната одбрана на Кан Јунис и шеф на мисијата за пребарување, Раед Сакр, изјави дека трагаат по телата на уште 400 исчезнати лица по заминувањето на израелската армија на 7 април. Палестинската терористичка група Хамас лани на 7 октомври го нападна Израел, масакрираше над 1.300 цивили, уби и киднапираше и странци, по што почна војната која уште трае.