ГЕРМАНЦИТЕ ЛУТИ: Поради „двојно солените цени“ бегаат од Хрватска во Грција!

Добивај вести на Viber

За сите држави во ЕУ важи законот според кој е забрането да се имаат разични цени за локалците и странците, истануваат туристи.

Не престануваат реакциите на двојно зголемениот ценовник, за домашни и странски гости, кој во својот кафич Роки Бар го воведе ровињскиот угостител Дамир Хубар, па две „капучина“ наплатил 76 куни (околу 620 денари или приближно 10 евра).

Токму таа приказна заврши во јавност, а веста ја пренесоа и германските медиуми, што не му оди во прилог на хрватскиот туризам.

Како што пишува „Нови лист“, по пат на меил им се јавиле туристи од Германија незадоволни од двојниот ценовник од Ровињ, како би им порачале дека поради тоа нема да летуваат во Хрватска-Бернд Вегнер од Берлин одлучил летувањето во Хрватска да го замени со она на грчките острови.

„Денеска во германските весници прочитав дека некои хрватски ресторани нудат кафе според два посебни ценовници. Еден за домашните, а друг за странски гости, како во неразвиените земји . Моето семејство овој викенд одлучуваше каде ќе одиме на летување. Имавме две можности-Хрватска или Грција. Но поради ова одлучивме да одиме за Грција бидејќи не сакаме некој да не мами. За сите земи во Европската унија важи закон кој вели дека е забрането да имаат различни цени за локалните и странски гости.

Затоа ви благодарам што ја објавивте оваа информација. Се надевам дека многу луѓе ќе ја прочитаат оваа статија и ќе ја избегнуваат Хрватска во иднина, додека на тоа не се стави крај“, напишал овој револтиран германски турист.