Ги откажаа огнометите за да не го загадуваат воздухот
Објавено во: Балкан 31 Декември, 2019
Словенија ги откажува новогодишните огномети со цел да се спречи загадување.
Повеќето градови ги откажаа своите традиционални огномети со цел да се спречи загадувањето на воздухот и да се зголеми општата безбедност.
Ваква одлука донесоа Марибор и Целје, а локалните власти најавија дека точно на полноќ, наместо огномет ќе има аудио и видео перформанси. Некои градови огнометот ќе го заменат со био-разградливи конфети.
Дополнително, некои градови и општини целосно ги забранија пиротехничките средства со цел да не се загадува воздухот, и да не се вознемируваат животните.
Градовите пак во Австралија го откажаа новогодишниот огномет поради високите температури.
Но, за разлика од Македонија, БиХ, Србија, Бугарија, Словенија има многу почист воздух, а нејзиниот главен град Љубљана не е ниту во првите 100 најзагадени градови на светот.