Телеграф го спомнува претходникот на Трамп, Барак Обама кој во 2009 ја доби наградата за мир со уште послаба основа. Тој на позицијата претседател на САД не беше ни една година, а за тоа време „не постигна буквално ништо за мирот“. 

Единствено, проблем за Трамп би претставувало тоа што идеолошки се коси со одборот за доделување на наградата и тоа што повеќе е презиран, односно ја нема таа харизма на Обама.

Се додава дека ако Трамп успее да договори крај на нуклеарните провокации на севернокорејскиот диктатор Ким Џонг Ун, ќе се разреши една од најопасните кризи со кои светот во моментов се соочува. Во текстот напишан пред самитот на Северна и Јужна Кореја кој се одржа вчера, пишува дека Трамп има шанси да помогне во склучувањето на ненасилен крај на војната која официјално трае 67 години.