ГО ЧУКНА ЅВОНЧЕТО И ЗАМИНА ЗДРАВА ОД ДЕТСКАТА КЛИНИКА: 4-годишно девојче ја победи акутната леукемија

Добивај вести на Viber

Од Клиниката за детски болести, денеска по цели девет месеци, откако успешно беше излекувано од акутна лекукемија, замина 4-годишно девојче. Директорката на Клиниката, проф. д-р Аспазија Софијанова, нагласи дека со среќата на децата, започнува и среќата на возрасните.

-Ни беше драго што лекувањето за девојчето заврши без никакви последици и што таа можеше да го чукне ѕвончето. Тоа значи дека среќата кај децата мораме да ја поддржуваме и почитуваме, а оттука почнува и среќата на возрасните.

Д-р. Софијанова во оваа прилика го најави и скорешното отворање на новиот Регионален онколочки центар, чии подготовки, како што истакна се при крај.

-Посебна чест ми е што еве денеска со новиот министер разговараме и за она што ќе се случува во наредните месеци, а тоа е отворањето на новиот регионален онколошки центар. Подготовките се при крај. Тој ќе има капацитет од 25 до 30 деца, вклучувајќи ги и посттрансплатационите пациентчиња, што досега не беше случај. Од двете одделенија, моментално на клиниката има околу 20 деца со леукемија, нагласи директорката Софијанова.

Истовремено, министерот за здравство, Беким Сали оцени дека Онколошкиот центар на Клиниката за детски болести е еден од поуспешните во регионот.