Го навредила Ердоган и заврши во притвор
Објавено во: Балкан 10 Декември, 2018
Турска студентка е во притвор поради навреда на турскиот претседател, Реџеп Таип Ердоган на Фејсбук.
Студентка по новинарство е ставена во притвор поради навреда на претседателот Ердоган на социјалните мрежи, изјави нејзината адвокатка за ДПА.
Судот во провинцијата Трабзон на Црното Море во петокот наредил Бериван Била, 24-годишна студентка по новинарство на Техничкиот универзитет во Карадениз, да остане во притвор до судењето откако е уапсена еден ден претходно.
Судот во својата одлука за притвор цитирал ставови на Фејсбук со „навредливи“ изјави против претседателот, јави агенцијата ДПА која имала увид во документите.
Судот е особено загрижен за еден пост од 10 јануари, во кој Била вели дека медиумите станале „слуга на диктаторот“, изјавила адвокатката Сецкин Туркоглу.
Била ги негираше обвинувањата на судот велејќи дека ја критикувала Владата и не го посочила конкретно Ердоган.
Таа е членка на левичарската студентска група Колектив, и објави статија во јули 2017 година, во која го критикуваше затворањето на новинарите, без да го именува Ердоган.
Туркоглу изјави дека денеска поднела жалба на одлуката на судот во Трабзон за апсењето на Била. Судот има седум работни дена да донесе одлука по жалбата.
Но, ова не е прв ваков случај. Во 2012 година 17 годишно момче доби 11 месеци и 20 дена затвор затоа што го навредил Ердоган на Фејсбук.
И новинар во минатото заврши во затвор затоа што со твитови го навредувал Ердоган.