Го заложил имотот на МРТВ за кредит без дозвола од Собранието: Кривична за директорот на јавниот сервис
Објавено во: Македонија 21 Јуни, 2019
Управата за финансиска полиција до Основното јавно обвинителство поднесе кривична пријава против директорот на Македонска радиотелевизија. Марјан Цветковски кој и сега е директор на ова Јавно претпријатие, според УФП, во 2015 година во својство на директор на телевизијата со штетен договор за кредит ја оштетил телевизијата, а за договорот не побарал и не добил дозвола од Собранието кое е основач и сопственик на Макеоднска радиотелевизија
„УПФП поднесе кривична пријава против М.Ц. службено лице претседател на УО на Јавно претпријатие Македонска радиотелевизија кој во 2015 година ја злупотребил службената положба и овластување и склучил договор за кредит со домашна комерцијална банка во износ 140 милиони денари, а како обезбедување, склучил договор за залог на целокупниот движен и недвижен имот во сопственост ЈРП Македонска радиотелевизија во вредност од 294.459.822 милиони денари. Заложил имот во повисока вредност од вредноста на земениот кредит за 154.452.822 без да побара и добие согласност од Собранието кое е основач и сопоственик на ЈРП Македоноска радиотелевизија што е спротивно на законот, рече Даниела Велковска од Управата за финансиска полиција.
Вторпријавена во случајот е нотарката З.П. која се сомничи дека ја злоупотребила службената положба и овластувања и ги заверила и ги солменизирала со која е заложен целокупниот имот без да побара и да биде приложена согласност од основачот и сопственикот односно од Собранието.
Инаку дел од добиениот кредит првопријавениот веднаш го искористил за враќање на стари долгови кон банката која откупила побарувања на телевизијата кон БЕГ.