ГОЛЕМ ПРЕСВРТ: Кина има нова дестинација, ги напушта САД

Добивај вести на Viber

Директните кинески странски вложувања драматично се промениле во однос кон САД и Канада и се насочиле кон Европа во првата половина на оваа година.

Довршените кинески инвестиции во Европа во првата половина на 2018-та година достигнале 12 милијарди долари, што е за 4 отсто повеќе отколку во истиот период лани, пишуваат кинески медиуми.

Од друга страна, вложувањата кон Северна Америка се намалени за 92 отсто, на 2 милијарди долари, се наведува во истражувањето на лондонската компанија Baker McKenzie и американските аналитичари од „Rhodium Group“, пренесе Capital.ba.

На годишно ниво процентуалното зголемување за Европа исклучува невообичаено голем договор од 2017-та година - аквизација на швајцарската биотехнолошка фирма, „Syngenta“ , од страна на „ChemChina“, вредна 42 милијарди долари - која е изоставена па не влијаела на споредбата на податоците.

Тило Ханеман, директор на компанијата „Rhodium Group“ , рекол дека „после пет години слични инвестициони нивоа во Европа и Северна Америка, кинеските инвеститори сега очигледно ја преферираат Европа. 

Регулаторните препреки остануваат ниски, политичките односи се предвидливи, а Европа нуди база на индустриски високотехнолошки имоти, што добро се сложува со кинеските странски инвестициони приоритети“.

Привлекувајќи 3,6 милијарди долари вложувања, Шведска беше најголемо европско одредиште за кинескиот капитал во првата половина на 2018-та, по што следи Обединетото Кралство, каде инвестициите достигнале 1,6 милијарди долари. Во Германија се вложени 1,5 милијарди долари, а во Франција 1,4 милијарди.