Големи светски економии одат кон рецесија!

Добивај вести на Viber

Две од големите светски економии итаат кон рецесија. Франција и Јапонија. Јапонскиот министер за финансии Сеиџи Маехара не ја исклучи оваа можност.

„Не можам да ја одречам можноста дека економијата на земјата може да навлезе во рецесија“, изјави министерот откако беа објавувени финансиските показатели на земјата за третото тримесечје од годинава.

БДП-то на Јапонија во третото тримесечје е намалено за 3,5%, односно за 0,9% споредено со второто тримесечје на 2012-та. Како што беше очекувано, БДП падна за 0,9 отсто во периодот од јули до септември 2012 година, но очекувањата ги надмина падот на капиталната потрошувачка за дури 3,2 проценти. Податоците на владата објавени во понеделникот, покажаа дека на годишно ниво БДП-то на Јапонија се намалил за 3,5 проценти. Јапонската економија забележа поголем раст од другите членки на групата Г-7 најразвиени земји во првата половина од годинава, благодарејќи на силната лична и јавна потрошувачка на обновувањето на земјата по катастрофалната природна стихија од март 2011 година. Исто така и Франција е на прагот на рецесија. Централната банка предвиде 0,1 процент пад на активностите и за третиот квартал, а економистите генерално ја дефинираат рецесијата како пад на активноста во два последователни квартали. Од INSEE, Заводот за статистика, објавуваат дека производството во преработувачката индустрија падна за 3,2% во септември, додека во август имаше пораст од за 2,1%.