ГРАДЕЖНИШТВО И ИНФРАСТРУКТУРА: Австриски компании бараат македонски фирми за соработка!

Добивај вести на Viber

Стопанската комора на Македонија и Стопанската комора на Австрија организираат Бизнис-средба и презентација на австриски компании во областa градежништво и инфраструктура. На средбата претставници на компаниите ќе можат да остварат директни контакти со австриските колеги, да разменат искуства, и да воспостават натамошна деловна комуникација. На средбата ќе бидат присутни и претставници на државните компании или институции кои се одговорни снабдување со вода за пиење, отпадни води, наводнување, одводнување, атмосферски води, патна и железничка инфраструктура особено за поставување на безбедносни систем за задржување, бариери за заштита од бучава и сообраќајни знаци, рехабилитација и санација на патна инфраструктура. Презентацијата и деловните средби ќе се одржат во среда на 5 ноември 2014 година,во Стопанската комора на Македонија. Повеќе информации на следниот ЛИНК Како што најави неодамна Герхард Шлатл, трговско аташе при Амбасадата на Австрија, токму овие сектори се детектирани како дел од приоритетните за Македонија. Притоа, соработката нема да се ограничи само на проекти поддржани од ЕУ, како што се коридорите 8 и 10, туку напротив, ќе се прошири и на други, поддржани од финансиски институции како Светска банка. - Со оглед дека моментно е актуелен ИПА 2 фондот концентриран на градежништвото и инфраструктурата, нашата цел е да донесеме австриски фирми кои ќе се обидат да ги пренесат своите технологија и знаење во Македонија. Работите тука се подобруваат, македонските компании покажуваат се поголем интерес и потреба за софистицирана технологија, истакна Шлатл . Според него, од австриските компании кои главно бараат дистрибутери, фирми за сервис или соработници со кои заедно би учествувале на локални тендери, досега 50 отсто успеале да најдат долгорочни партнери во Македонија, пред се, во делот на индустријата за храна и екологијата. Австрија е една од водечките инвеститори во Македонија. Приливот на директни инвестиции од Австрија во Македонија изнесува 484,3 милиони евра за периодот од 1997 до 2013 година.