Граѓаните сакаат Македонија да бара друга алтернатива, ЕУ не е најдобра

Добивај вести на Viber

Високи 47,4 проценти од македонските граѓани велат дека Европската унија не е најдобра алтернатива за земјава и дека подобро би било Македонија да бара сопствен модел на развој надвор од ЕУ. 

Меѓутоа 59,3 отсто од граѓаните велат дека членството на Македонија во ЕУ би била добра работа .

Што се однесува до причините кои го кочат влезот на Македонија во европското семејство 37,3 отсто сметаат дека виновник е спорот со името, додека пак 36,5 отсто сметаат дека Владата го користи спорот за името со Грција како изговор за да не спроведува реформи.

Анкетата која ја спроведе агенцијата М-Проспект, на прашалник подготвен од страна на Македонскиот центар за европско образование покажува дека 59,9 проценти сметаат дека ЕУ треба да игра сериозна улога во разрешувањето на моменталната политичка криза во Македонија, а 31,1 отсто пак сметаат дека Извештаите на ЕК за напредокот реално ја отсликуваат состојбата во Македонија.

Македонија ќе стане дел од ЕУ после 20 години или пак никогаш сметаат над 30 проценти од испираните граѓани, додека пак 18,7 проценти се оптимисти и се надеваат дека ќе станеме дел од ЕУ во наредните пет години. 

Голем е процентот и на оние кои би поддржале влез во унијата ако референдум има во недела. Позитивно би одговориле 69,44 отсто, а 20,98 проценти би се изјасниле дека се против влегувањето во Унијата.