Грчкото обвинителство не отвори случај за заканите кон Коѕијас
Објавено во: Балкан 14 Ноември, 2018
Еден од потписниците на Преспанскиот договор, Никос Коѕијас, за грчките медиуми изјави дека јавното обвинителство Грција не отворило истрага за смртоносните закани кои поранешниот грчки министер за надворешни работи ги добивал.
Во една прилика Коѕијас, кој си поднесе оставка од својата позиција откако влезе во конфликт со владиниот коалиционен партнер Панос Каменос, рече дека добивал пораки со крв и куршуми додека траеле протестите во Грција против преспанската спогодба.
„Јавниот обвинител не смета дека треба некој да поднесе одговорност. Добив закани со писма во кој имаше крв, куршуми, земја за мојот погреб. Со закани и уцени, тие се обидуваат да ја спречат ратификацијата на Преспанскиот договор. Имам и сомнежи и можам да посочам дека постои единствен центар, веројатно финансиран од партиски структури, или незрели Грци од Америка, оние што знаат од каде доаѓаат парите", рече меѓудругото Коѕијас.